Muhammad Yusuf

2023-04-20 17:09:29 Muhammad Yusuf pinned «#Senga sevgim beraymi? – Сенга севгим берайми? – Бер қани. – У тупроққа беланган. – Беравер. – Мен фол кўрсам дегандим. – Кўр, қани. – Савол сўрасам дегандим. – Сўрайвер. – Эшик қоқсам не дерсан? – Кир, дейман. – Мен билан юр, десам-чи? – Юр, дейман. – Йўлда…» Ouvert / Commentaire

2023-04-20 17:09:27 #Senga sevgim beraymi?

– Сенга севгим берайми?
– Бер қани.
– У тупроққа беланган.
– Беравер.
– Мен фол кўрсам дегандим.
– Кўр, қани.
– Савол сўрасам дегандим.
– Сўрайвер.
– Эшик қоқсам не дерсан?
– Кир, дейман.
– Мен билан юр, десам-чи?
– Юр, дейман.
– Йўлда кулфат кутса-чи?
– Бораман.
– Агар мен алдасам-чи?
–Кечираман.
– Қўшиқ айтгил, десам-чи?
– Айтаман.
– Дўстингдан кеч десам-чи?
– Кечаман.
– Одамни от, десам-чи?
– Отаман.
– Ўзинг ўлгин, десам-чи?
– Ўламан.
– Бўғилиб қолсам нетарсан?
– Қўллайман.
– Жонинг оғрир бўлса-чи?
– Чидайман.
– Йўлингдан ғов чиқса-чи?
– Бузгайман...
– Севги берайми, сенга?
– Севги.
– Асло бермайман!
– Нега?!
– Чунки, мен қулларни севмайман. Ouvert / Commentaire

2023-04-20 17:09:18 #Qaramaydi qayrilib

Қарамайди қайрилиб бир бор –
Мен турибман остонада зор.
Ойни узиб берсанг ҳам менга,
Чиқмайман дер, ноз қилар дилдор.

Ўтинчларим беҳуда, зорим,
Илинжларим – ҳаммаси бекор.
Рашким келар, келади орим,
Чиқмайман дер, ноз қилар дилдор.

Тошойнага термулиб лекин,
Ўзи ўсма тортиб қошига,
Дугонаси ёнида, тағин
Тушиб кетар булоқ бошига.

Жимман, бироқ узолмам кўзим,
Кимларгадир қиламан ҳавас,
Келишмаган йигитман ўзим,
Сочларим ҳам жингалак эмас... Ouvert / Commentaire

2023-04-20 17:09:06 #Bir Kecha

Бир кеча бехосдан уйғониб кетсам,
Йиғлаб ўтирибди юрагим юм-юм.
Чўчиб турдим: сенга нима бўлди, эркам,
Нимага йиғлайсан, мен нима қилдим?

Ундай десам бўлмас, бундай десам кўнмас,
Чекдим. Чиқиб секин ҳовлини кездим.
Ҳамма юлдуз сўнди. Бир юлдуз сўнмас –
Кўзимга мўлтираб турар илк севгим.

Юлдузлар ҳам олис о, сен буюк ғам,
Бугун ўзинг йўқсан фақат ёнимда.
Ҳижрон куйин чалиб қон ўрнида ҳам
Армон айланади жони танимда.

Ўйлайман, ўйлайман, ўйларим узун,
Қўлим қисқа, севгим, бўйларим узун,
Энди сен менинг учун энг узун эртак,
Энди мени ёмон қийнар бу юрак!..

Чекаман. Тутунга тўлади хона,
Илк севгим мўралар тўрт бурчагидан.
Мен далли, юрагим мендан девона –
Ётмайман, деб йиғлар пар тўшагингда. Ouvert / Commentaire

2023-04-20 17:08:57 #O'tinch

Фарғонамнинг паривашлари,
Эй, жонимнинг қариндошлари,
Бўйнингизга марварид бўлсин,
Маржон-маржон кўзим ёшлари!..

Муҳаббатдан айтишиб ўлан,
Қувалашиб ўчдик сиз билан.
Кетдим кейин булутдай кўчиб,
Қайтай энди қайси юз билан?..

Ёдимда соф туйғуларингиз,
Жаранглаган кулгуларингиз.
Ҳаётимда бўлмасангиз ҳам,
Ҳаёлимда юрдиларингиз.

Сиз мен учун ўша-ўша шўх,
Ўша-ўша эрка бўлдингиз.
Қўрғонимга келмасангиз ҳам,
Армонимга бека бўлдингиз.

Ўйин дедик бу ёруғ олам,
Ўйин қилдик муҳаббатни ҳам.
Қизлар, ўлан айтиб гоҳида,
Эслаб қўйинг Муҳаммадни ҳам. Ouvert / Commentaire

2023-04-20 17:08:41 Шайтон йўлдан уриши мумкинми?

Шайтон ҳукмини ўзига ўхшаганларга ўтказади, дейди Аллоҳ. Биров бошқага ҳукмини ўтказиши учун икки томон бир-бирига ўхшаши ва ҳамжинс бўлиши керак. Гапимиз далили:
"Инс ва жин шайтонларнинг баъзилари баъзиларини ғурурга кетказишлари учун латиф каломларни танларлар" (Анъом сураси, 112-оят).

Шайтон ўзига ўхшаган шайтонларни бошқаради. Чунки ўхшашлик ҳукми билангина таъсирланиш ва боғлиқлик юзага келади.

Аммо Аллоҳга бандалик қиладиган инсонлар томон шайтонга йўл йўқдир.
Аллоҳ иблисга айтади: "Албатта, Менинг бандаларим устида сенинг ҳукмронлигинг йўқдир" (Ҳижр сураси, 42-оят).

Демак, "Мени шайтон йўлдан урди" деганнинг далил-ҳужжати йўқ. Биз ундай инсонга: "Чунки сен ўзинг унга ўхшаган шайтонсан!", деб жавоб берамиз.

Доктор Мустафо
anbaa:
@Mehrobuz Ouvert / Commentaire

2023-04-20 17:08:26 Muhammad Yusuf pinned «ОНА ТИЛИМ Гарчи зуғум қилганларни ёқтирмадим, Шеър ёздиму бўлак ишни қотирмадим. Тилим туриб ўз тилимда гапирмадим, Бир эсласам эзилади бағри-дилим, Она тилим, кечир мени, она тилим. Онам «эркам» деб қучганда тунлар ярим, Эрким йўқ деб зирқирарди бир жойларим…» Ouvert / Commentaire

2023-04-20 17:08:22 САМАРҚАНД

Самарқандга борсам мен агар,
Улуғбекни кўриб қайтаман.
У қон йиғлаб туpap ҳар сафар:
Мен дардимни кимга айтаман?..

Бағримда бўй етган бўз болам,
Мерган болам, лочин кўз болам,
Бўғзимга тиғ урган ўз болам…
Мен дардимни кимга айтаман.

Сезмай қолдим. Ўшанда чоғим,
Юлдузларда экан нигоҳим.
Билмадим не эди гуноҳим…
Мен дардимни кимга айтаман.

Қанча ғамга ботмаган эдим,
Қанча оғу ютмаган эдим…
Ўз боламдан кутмаган эдим…
Мен дардимни кимга айтаман.

Таним музлаб, гоҳ тош қотаман,
Мен шоҳ эмас, ахир, отаман.
Гўримда ҳам ўйлаб ётаман,
Мен дардимни кимга айтаман?..

Самарқандга борсам мен агар,
Улуғбекни кўрмай келмайман.
У менга қон йиғлар ҳар сафар,
Мен дардимни кимга айтаман! Ouvert / Commentaire

2023-04-20 17:08:10 ОНА ТИЛИМ

Гарчи зуғум қилганларни ёқтирмадим,
Шеър ёздиму бўлак ишни қотирмадим.
Тилим туриб ўз тилимда гапирмадим,
Бир эсласам эзилади бағри-дилим,
Она тилим, кечир мени, она тилим.

Онам «эркам» деб қучганда тунлар ярим,
Эрким йўқ деб зирқирарди бир жойларим,
Паровозни ҳансиратган буғдойларим,
Олтинларим, маъданларим, ипакларим,
Она тилим, кечир мени, она тилим.

Кимлар учун биз эдик бир бадавийлар,
Ўзбекни қон қақшатганни узбек сийлар,
Ҳолимизни қон кузатди Яссавийлар,
Топганимиз ҳандалакдек тилим-тилим,
Она тилим, кечир мени, она тилим.

Кимдир майда миллат бўлди, кимдир катта,
Катта миллат — Афандиси йўқдир ҳатто,
Биз пиёда, биз боққанлар юрди отда,
Зулм ўтса фақат сендан ўтди зулм,
Она тилим, кечир мени, она тилим.

Сен бўлмасанг нима бизга силлик шеърлар,
Бу дунёда тили йўкда дил йўқ дерлар,
Баҳоинг-ку бериб кетган Алишерлар,
Юрагимнинг тўридаги сўлмас гулим,
Она тилим, кечир мени, она тилим.

Бир қарасам ҳар шевангда минг жилолар
Ҳар новдангда, ҳар мевангда минг жилолар.
Қодирийлар, Чўлпонлар-у, Абдуллолар,
Сенинг қайтган кунинг мен туғилган йилим,
Она тилим, эй муқаддас Она тилим. Ouvert / Commentaire

2023-04-20 17:07:28 Channel photo updated Ouvert / Commentaire