التطبيق هااايل جدا إسمو ( Be My Eyes ).. تسجل فيه وتختار | Docteur astuce ( Le trésor des Médecins )
التطبيق هااايل جدا إسمو ( Be My Eyes ).. تسجل فيه وتختار اللغة اللي تساعدك .. و تاكتيفي لي نوتيفيكاصيون باش كل فترة يجيك اشعار من كل بلاصة في العالم من عند عباد #فاقدين_للبصر ولا عندهم مشكلة و مايشوفوش مليح. يعيطولك و لا يبعثولك ميساج باش تعاونهم في عفايس كيما مثلا تقرالهم وصفة طبية ولا ورقة التحاليل الطبية، هاد العفسة حمراء ولا زرقاء، ولا يمكن ساكنين وحدهم و صعب عليهم جداً البحث فالانترنت بحكم ضعف النظر فيضطروا أنهم يطلبو منك يمكن ارسال رسالة صوتية عن معلومة معينة ماقدروش يوصلولها بالبحث.. و عفايس هكذا عندها علاقة بضعف النظر. مايدوش من وقتك بزاف و تحس بفرحة كبيرة كي تعاونهم (الكثير منهم ناس كبار). تحس أكيد بللي بذرة الخير حية بحق داخلك دونك سجلو فيها!
ملاحظة : اللعة العربية متوفرة. كذا يقدر يتواصل معاك أي واحد من العالم عربي أو أجنبي موجودة IOS و Android
