Message inbox سر مهني كيخص كاع المهن فاش كتكون في يدك و باغ | Ouvrages BYFADIL 🧿
Message inbox
سرمهنيكيخصكاعالمهن فاش كتكون في يدك و باغي دير خدمتك و شديد على لي قبل منك، كاع الحفاري و الشوك ديال الانس و الجن كيديرهم ليك في طريقك هادوك لي معاك في الخدمة و الخوايضية خصوصا. تخيل بنادم الهم ديالو كيولي هو يهرسك.
المهم الفكرة الاولى : قدر نفسك و المؤهلات ديالك و دافع على كرامتك حيت هي كلشي و قبل من اي حاجة في هاد الدنيا. كون ديما ضد انشاء الطغاة (ماكينش الكلب سيدي لا كانت عندو حاجتك لا لا لا الكلب الكلب و عاملو كا كلب و حسو انه كلب)
الدبلوماسية وي اثفق ! ولكن في حدود ؟!!!
كين شي حوايج زايد ناقص ادير الدبلوماسية و اتسد عينك عليها. خصوصا الاقل الاهمية منها لكن فاش توصل ببنادم يقيصك في الموهلات ديالك، كرامتك، شخصك احبس امعلم حيت راه لا بردتي كثر من الازم اتلقا راسك ضحية ديال راسك و بسباب شي افكار عقيمة فحال هادي ديال الكلب، الصبر حتى تكمن … هادو ماشي افكار في مرة و الانسان خصوصا في الخدمة خاص يكون عندو خطوط حمراء و ميعطيها لحتى واحد
ب س : مع عدم اعتبار كل من :
-لي معندو شخصية ؛ -لي مع الاقوى ؛ -لي كيفكر اي حدا رجليه.
كنهضر مع انسان لي بصح واعى و فاهم ان اكبر انجاز في الحياة هو كرامتك و عيشك كإنسان. لا كنتي ناجح و انت بلحاس، برگاگ، معندك قلب… راه مفهوم النجاح خاص يعاد فيه النظر.
حيت هاد الافكار على المدى البعيد هي لي كتكون عقلية ديال المرض.
عقلية الصراحة مساهمة في التخلف بشكل كبير لما كانتش هي السبب الرئيسي فيه. تخيل الشاف ديالك يولي همو يهبط ليك المورال و يدير ليك كل من هي حفرة في طريقك و يبينك خايب معا الشيفان ديالو و كل مكانت شي فرصة في صالحك يضيعها ليك ولا يلعب ليك بالاعصاب ديالك و يحقدك في ديك النشوة ديالك لي اتحس و انت اتقول نتمسكن حتى اتمكن !!! استسمح
اما فعايل الطيابات لعلك ترضى، مكتعرف واش راع مع الرجال ولا العيالات واش راك في الخدمة و لا الحمام و الطامة الكبرى هي كنهضرو على مناصب مابيهاش (مع كامل احترام لكل انسان و الفكرة راه غالطة ديال قرا و تحسن الوضع، ماحاد العقلية هي لي خاصها تحسن وكرامة الانسان اولى من اي حاجة)
المهم الفكرة هي : فرض راسك (باحترام طبعا) و طور داتك (مديهاش في المكاريب و حاول تشوف نفسك قبل كلشي) و لي كلب راه كلب .
