أولا السلام عليكم هاد الموضوع لتحت ديجا سمعو بيه بزاف ديال الإخوان من قبل ولكن مزال معرفو عليه ناس تانيين، وحتا لي ديجا سمع بيه محتمل ميكونش عارف بعض التفاصيل، كنتمنا تصرف واحد 3 دقايق تقرا المنشور... محتمل المستقبل ديالك يكون من هنا.
طلقات google بشراكة مع منصة coursera مسارات تعليمية تحت اسم "شهادات جوجل المهنية" (Google Career Certificates) وهادي كتقدم أساسيات فمجالات بزاف للناس باش يتعلمولها. ويقدرو من بعد يخدمو أول مشروع كـ (entry-level job) وبعدها يكتاسبو خبرة ويترقاو وبزاف صوالح
كل مسار كيتكون من حوالي 7 كورسات تقريبا، و google كتقول أن كل مسار تقدر تكملو في 6 شهور بمعدل مذاكرة 10 ساعات تقريبا كل أسبوع.. مليح؟ اوكي
نقراو مميزات الكورسات ديال google المجاني
كتخطط google أنها بهاد المسارات تحل بعض المشاكل :
1 - أنها تقلل من نسبة البطالة في أمريكا بشكل أساسي-خلينا نكونو صريحين- في العالم كله عموما. 2 - أنها تساعد الناس اللي مقادرينش يدخلو الجامعة -أغلب الجامعات فأمريكا ديجا غاليين بحكم المقرر الخارق تما ( الجامعات ديالنا ماشي ديال المنافسة مع الجامعات ديالهم أصلا من غير بعض الجامعات فغرب المغرب) ستغلو الفرصة مدام هادشي عاد مجاني 3 - تسد الفجوة بين الدراسة والخبرة، لحقاش هاد المسارات فيها مشاريع كيشتغل عليها الطالب 4 - مين يكمل الطالب المسار يكون ديجا كمل واحد الكم معين من المشاريع -غالبا كيكونو من 1 لـ3 - يقدر يديرهم فcv ديالو الا بغا. هاد الكلام قالو خونا Kent Walker، نائب الشئون العالمية في google، ماشي التحليل ديالي الشخصي ماشي غير هادشي او صافي، google كتقدم 200 ألف فرصة لحاجة سميتها Apprenticeship، وهادي بحال المنحات الدراسية لكن هادي منحة لممارسة هاد المجالات بشكل عملي من بعد ما ناس يقراوها ، باش يبداو يكتاسبو الخبرة العملية على أرض الواقع، فأماكن بحال أمريكا وأوروبا والشرق الأوسط وأفريقيا.( صحاب زودياك كنشوفكم )
المجالات المجانية المتاحة هوما هادو
- مجال Project Management - مجال IT support - مجال Data Analytics - مجال UX Design - مجال Android Development
هاهو الرابط وختارو لي بغيتو : https://www.coursera.org/
ملاحظة : ( كنت ديجا حطيت بعض المنشورات على بعض الأقسام من هاد الموضوع مثل تحليل البيانات )
